Մոնղոլիայի նախկին նախագահ (2017-2021) Խալտմաագիյն Բաթուլգան, որն ընտրվել է երկրի Մեծ Խուրալի (խորհրդարանի) անդամ, կարգապահական տույժ է ստացել պատգամավորի աշխատավարձի 20 տոկոսվ կրճատման տեսքով՝ նիստերից հաճախակի բացակայելու համար, առանց հարգելի պատճառաբանության։ Այս մասին հայտնել է խուրալի էթիկայի եւ կարգապահության կոմիտեի նախագահ Բայարմագնայն Բայարբաաթարը։
«Մոնղոլիայի նախկին նախագահ, այժմ խորհրդարանի պատգամավոր Խալտմաագիյն Բաթուլգան լրատվամիջոցների հարցազրույցում նիստերից իր հաճախակի բացակայությունը բացատրել է քվեարկության սարքի խափանմամբ։ Սա անհարգալից վերաբերմունք է խորհրդարանի ընտրողների նկատմամբ, որոնց անդամները Բաթուլգային չեն տեսնում դահլիճում։ Ուստի հանձնաժողովի մեծամասնությունը կողմ է արտահայտվել նրա աշխատավարձը 20 տոկոսով 6 ամիս ժամկետով նվազեցնելու իմ առաջարկին»,- ասել է հանձնաժողովի նախագահը։
Ավելի վաղ նա հայտնել էր, որ մոնղոլական պետության նախկին ղեկավարը ներկա է գտնվել աշնանային նստաշրջանի 11 նիստերից միայն մեկին, երեքից բացակայել է առողջական պատճառներով, իսկ 7-ը բաց է թողել առանց հիմնավոր պատճառի։ 2025թ. ապրիլի դրությամբ պատգամավորների ամսական աշխատավարձը տատանվում է 768,6-ից մինչեւ 995,4 միլիոն տուղրիկ (2178-2821 դոլար)՝ կախված խորհրդարանի ղեկավարության եւ նրա հանձնաժողովներում զբաղեցրած պաշտոնից։
Խալտմաագիյն Բաթուլգան Մոնղոլիայի պատմության մեջ առաջին նախկին նախագահն է, որն ընտրվել է խորհրդարանի անդամ: 2017թ. նա հաղթել է նախագահական ընտրություններում՝ որպես Դեմոկրատական կուսակցության թեկնածու։ 2004-ից նա հաջողությամբ ընտրվում է երկրի խորհրդարանում։ 2008-2012թթ. զբաղեցրել է ճանապարհների եւ տրանսպորտի զարգացման նախարարի պաշտոնը։ 2012թ. դարձել է գյուղատնտեսության եւ թեթեւ արդյունաբերության նախարար։ Նա չի կարողացել կրկին առաջադրվել 2021թ.՝ սահմանադրական բարեփոխման պատճառով, որը նախատեսում է, որ մոնղոլական պետության ղեկավարն ընտրվում է միայն մեկ ժամկետով։
