Հայաստանի արտաքին գործերի նախարար Արարատ Միրզոյանը շնորհավորել է Ժան-Նոել Բարոյին Ֆրանսիայի Եվրոպայի և արտաքին գործերի նախարարի պաշտոնում վերանշանակվելու առթիվ։
Միրզոյանն այդ մասին գրել է X-ի իր միկրոբլոգում։
«Հարգելի Ժան-Նոել Բարո, ջերմորեն շնորհավորում եմ Ձեզ Ֆրանսիայի Եվրոպայի և արտաքին գործերի նախարարի պաշտոնում վերանշանակվելու առթիվ։ Անհամբեր սպասում եմ մեր արդյունավետ երկխոսության շարունակությանը և ռազմավարական գործընկերության խորացմանն ուղղված մեր համատեղ աշխատանքին»,- գրել է Միրզոյանը։
Ավելի վաղ Ժան-Նոել Բարոն X-ի իր միկրոբլոգում գրառում էր արել՝ շեշտելով, որ իր համար պատիվ է շարունակել աշխատանքը՝ որպես Ֆրանսիայի դիվանագիտության ղեկավար.
«Պատիվ է շարունակել Հանրապետության նախագահ Էմանուել Մակրոնի կողմից ինձ վստահված առաքելությունը՝ որպես մեր դիվանագիտության ղեկավար՝ Սեբաստիան Լեկոռյնուի կառավարության կազմում, որին շնորհակալ եմ վստահության համար»,- գրել էր Բարոն։
