Մենք հետագայում պետք է մտածենք «Աջափնյակ» մետրոյի կայարանը շարունակել եւ ունենալ մետրոյի «Ակադեմիական քաղաք» կանգառը: Այս մասին այսօր՝ հոկտեմբերի 12-ին, կառավարության նիստում հայտարարեց վարչապետ Նիկոլ Փաշինյանը:
«Իհարկե, հետագայում նաեւ այդտեղից միանալ մետրոյի «Չարբախ» կայարանին: Կստացվի, որ այդ պարագայում կունենանք մետրոյի շրջանաձեւ երթեւեկությունը: Այսինքն մեզ հայտնի «վերջին կանգառ» հասկացությունը, ըստ էության, կարող է վերանալ եւ գնացքները կամ հակադարձ շարժումով, կամ նույն շարժումով կշարունակի իր ընթացքը»,-ասաց նա:
