Քաղաքագետ Դերենիկ Մալխասյանը գրում է․
Սիրելի գյումրեցիներ, ցանկանում եմ ձեզ շնորհակալություն հայտնել Մայր Հայաստան դաշինքին վստահության քվե տալու համար։ Մենք Գյումրու ավագանու կազմում ներկայացված կլինենք 2 մանդատով, և, անկասկած, մեզ վստահված քվեները ծառայեցվելու են հանուն մեր սիրելի քաղաքի զարգացման ու բարգավաճման։ Գյումրու ու գյումրեցիների խնդիրները վեր հանելն ու լուծումներ առաջարկելը լինելու է մեր առաջնահերթությունը։
Գյումրին դարձել է Հայաստանի քաղաքական մայրաքաղաքը ու առանց չափազանցության այս ընտրություններին համակ ուշադրությամբ հետևում էր ամբողջ Հայաստանն ու Սփյուռքը։
«Մայր Հայաստանը» հայտարարել էր, որ այս ընտրություններին մասնակցում ենք նվազագույնը ՔՊ-ին իշխանազրկելու օրակարգով, և ընտրություների արդյունքներով գյումրեցին անվստահություն հայտնեց Քաղաքացիական պայմանագրին։ Գյումրեցիները ցույց տվեցին, որ առնվազն հաշտ չեն Նիկոլ Փաշինյանի վարած կործանարար քաղաքականության հետ։ Եվ դա արձանագրվեց մարտի 30-ի ընտրությունների արդյունքներով։
Վստահ ենք, որ Գյումրու ընտրությունները Նիկոլ Փաշինյանի իշխանազրկման քայլերթի կարևոր քայլերից մեկն է։
