Նախագահներ Վլադիմիր Պուտինը և Դոնալդ Թրամփը հեռախոսազրույց են ունեցել, հայտնել է նախագահի օգնական Յուրի Ուշակովը։ Նրանք քննարկել են ուկրաինական հակամարտության կարգավորումը և Մերձավոր Արևելքում տիրող իրավիճակը։
Ուկրաինական հակամարտության վերաբերյալ
Զրուցակիցները մտքեր են փոխանակել Ուկրաինայում ստեղծված իրավիճակի վերաբերյալ։
Պուտինը հաստատել է ռուսական կողմի պատրաստակամությունը շարունակել բանակցությունները։
Նա իր ամերիկացի գործընկերոջը տեղեկացրել է Ստամբուլի համաձայնագրերի իրականացման մասին։
Ստամբուլում հնարավոր երրորդ փուլի բանակցությունների կոնկրետ բովանդակությունը չի քննարկվել, բայց Ռուսաստանը պատրաստ է դրան։
Թրամփը կրկին բարձրացրել է ռազմական գործողությունների արագ դադարեցման հարցը։
«ՌԴ նախագահը նաև ասել է, որ Ռուսաստանը կհասնի իր նպատակներին, այսինքն՝ բոլոր արմատական պատճառների վերացմանը, որոնք հանգեցրել են ներկայիս իրավիճակին, ներկայիս դիմակայությանը։ Եվ Ռուսաստանը չի նահանջի այդ նպատակներից»,-ասվում է «ՌԻԱ նովոստի»-ի հաղորդագրության մեջ։
