Ֆրանսիան պատերազմական վիճակի մեջ չի գտնվում Ռուսաստանի հետ՝ չնայած Ուկրաինայի օժանդակությանը, եւ շարունակում Է Մոսկվայի հետ երկխոսության շարունակման ուղեգիծը:
Սեպտեմբերի 22-ին այդ մասին հայտարարել Է Ֆրանսիայի նախագահ Էմանուել Մակրոնը BFMTV հեռուստաալիքին տված հարցազրույցում, որը կայացել Է ինքնաթիռում, երբ նա վերադառնում Էր ՄԱԿ-ի Գլխավոր ասամբլեայի 77-րդ նստաշրջանից:
«Այո, այժմ Ռուսաստանը որոշել Է անցնել Էսկալացիայի նոր փուլի, մասնավորապես, մասնակի զորահավաքի հաշվին, ինչպես նաեւ այն մասին հիշեցմամբ, թե իր մոտ կան համապատասխան սպառազինություններ: Ես կարծում եմ, որ մեր պարտքն Է շարունակել աջակցել Ուկրանիային, որպեսզի նա կարողանա պաշտպանել իր տարածքը, թեեւ մենք պատերազմական վիճակում չենք գտնվում Ռուսաստանի հետ»,- ասել Է նա:
«Օգնելով Ուկրաինայի դիմադրությանը եւ դիրքերի վերականգնմանը՝ մենք միաժամանակ շփում են պահպանում Ռուսաստանի հետ»,- հայտարարել Է նա: Ֆրանսիայի ղեկավարը հայտնել Է, որ առավոտյան քննարկում Է անցկացրել ՄԱԳԱՏԷ-ի ղեկավար Ռաֆայել Գրոսիի հետ՝ զուգահեռաբար այն բանակցությունների հետ, որոնք նա վարում Է Ռուսաստանի արտաքին գործերի նախարար Սերգեյ Լավրովի հետ, հաղորդել Է ՏԱՍՍ-ը:
