Եվրասիական տնտեսական միության (ԵԱՏՄ) երկրները շոշափելի առաջընթացի են հասել Կայուն զարգացման նպատակների իրականացման գործում, որոնք ընդունվել են ՄԱԿ-ի Գլխավոր ասամբլեայի կողմից։ Ինչպես տեղեկացնում է ՏԱՍՍ գործակալությունը, այդ մասին հայտարարել է Ժնևում ՄԱԿ-ի բաժանմունքի գլխավոր տնօրեն Տատյանա Վալովայան:
Նա հանդիպում է ունեցել Բելառուսի Ազգային ժողովի (վերին պալատ) նախագահի տեղակալ Սերգեյ Խոմենկոյի հետ՝ Ժնևում ՄԱԿ-ի Եվրոպական տնտեսական հանձնաժողովի (ՄԱԿ ԵՏՀ) տարածաշրջանի երկրների համար Կայուն զարգացման տարածաշրջանային համաժողովի շրջանակներում։
Ինչպես հաղորդել են Բելառուսի խորհրդարանի վերին պալատում, Վալովայան ուշադրություն է հրավիրել ինտեգրացիոն միավորումների շրջանակներում երկրների միջև փոխգործակցության կարևորության վրա Կայուն զարգացման նպատակներին հասնելու համար: Նա որպես դրական օրինակ բերել է Եվրասիական տնտեսական միությունը՝ նշելով, որ «ԵԱՏՄ երկրները մեծ հաջողության են հասել Կայուն զարգացման նպատակների իրականացման հարցում այն ոլորտներում, որտեղ նրանք սերտորեն փոխգործակցում են»։
ՄԱԿ-ի բաժանմունքի գլխավոր տնօրենը հույս է հայտնել, որ Կայուն զարգացման նպատակների հասնելու գործում ԵԱՏՄ-ի առաջընթացի վերաբերյալ հերթական զեկույցը հաջողությամբ կներկայացվի այս տարվա հուլիսին Նյու Յորքում կայանալիք Քաղաքական համաժողովի առաջիկա նիստում։
Վալովայան նաև Բելառուսին հրավիրել է մասնակցելու ՄԱԿ-ում «2030 թվականի հորիզոնից այն կողմ» գլոբալ զարգացման ռազմավարական հեռանկարների քննարկմանը:
