Վենեսուելայի նախագահ Նիկոլաս Մադուրոն պահանջում է անհապաղ ազատ արձակել այն հայրենակիցներին, ովքեր ԱՄՆ-ից ուղարկվել են Սալվադորի բանտ։
«Մենք պետք է բարձրացնենք Վենեսուելայի միասնական ձայնը, որպեսզի բոլոր վենեսուելացիներն անմիջապես ազատ արձակվեն Սալվադորյան բանտից»,-ասել է Մադուրոն Venezolana de Televisión հեռուստաալիքի եթերում:
Նախագահը Սալվադորում առանց դատարանի որոշման կամ պաշտպանության իրավունքի վենեսուելացի 238 միգրանտների բանտարկությունն անվանել է «սալվադորի կառավարության կողմից մարդկության դեմ ուղղված ծանր հանցագործություն»։
Նա նշել է, որ ոչ միայն փաստաբաններին, այլեւ կաթոլիկ քահանաներին արգելված է տեսակցել բանտարկյալներին։ Նախագահն ընդգծել է, որ «մարդու իրավունքների և միգրանտների իրավունքների այս անարդար զանգվածային խախտումը նման է նացիստական Գերմանիայում հրեա ժողովրդի հետապնդմանը»։
Մադուրոն նշել է, որ չորեքշաբթի օրը Կարակասում և երկրի այլ քաղաքներում հազարավոր համերաշխության ցույցեր են տեղի ունեցել ԱՄՆ-ում հալածվող վենեսուելացի միգրանտների ընտանիքների հետ։
