Լոս Անջելեսի հրդեհներն ընդգրկել են տարածք, որը գերազանցում է Լիխտենշտեյնը: Այս մասին վկայում են Կալիֆորնիայի անտառտնտեսության և հրդեհային անվտանգության դեպարտամենտի տվյալները: Ըստ գերատեսչության՝ հրդեհները ծածկել են 163 կմ² տարածք։ Լիխտենշտեյնի տարածքը 160 կմ² է։
Լոս Անջելեսը տասնյակ հազարավոր բնակիչների համար պարտադիր տարհանման ծանուցումներ է սահմանել:
Շրջանի հրշեջ ծառայության ղեկավարն ավելի վաղ խոստովանել էր, որ ռեսուրսները նախատեսված են եղել 1-2 խոշոր հրդեհների դեմ պայքարելու համար: Իրավիճակը սրում են ուժեղ քամիները, որոնք ժամանակավորապես խափանել են ավիացիայի աշխատանքը, իսկ Պալիսեյդսի շրջանում հրշեջ հիդրանտները չեն գործել:
