Հոկտեմբերի 7-ին Լիտվայում մեկնարկում է «Երկաթե գայլ – 2024-II» միջազգային զորավարժությունը, որը կտևի 10 օր։ Այս մասին կտեղեկացնեն Լիտվայի զինված ուժերը։
Զորավարժությունները տեղի կունենան գեներալ Սիլվեստրաս Զուկաուսկասի անվան զորավարժարանում, որին կմասնակցեն ավելի քան 3200 լիտվացի և դաշնակից զինվորականներ և 700 միավոր զինտեխնիկա։
Զորավարժությունների ընթացքում կիրականացվի հարձակողական և պաշտպանական գործողությունների պլանավորում և անցկացում օր ու գիշեր, ինչպես նաև փոխգործակցություն ստորաբաժանումների միջև։
Բացի լիտվացի զինվորականներից, զորավարժություններին կմասնակցեն ներկայացուցիչներ Բելգիայից, Չեխիայից, ԱՄՆ-ից, Լյուքսեմբուրգից, Նորվեգիայից, Նիդեռլանդներից և Գերմանիայից։
«Երկաթե գայլ» զորավարժությունն անցկացվում է ամեն տարի գարնանը և աշնանը՝ գնահատելու «Iron Wolf» հետևակային բրիգադից կազմված գումարտակների մարտական պատրաստվածությունը և ՆԱՏՕ-ի Forward Presence Battle Group-ի ամբողջական ինտեգրումը:
Լիտվայի մի շարք շրջանների քաղաքացիներ նախազգուշացվել են զորավարժությունների կապակցությամբ ճանապարհներին ռազմական տեխնիկայի տեղաշարժի մասին։
