Մահացել է Ֆրանսիայի ամենահայտնի քաղաքական գործիչներից մեկը՝ «Ազգային ճակատ» կուսակցության նախկին առաջնորդ Ժան Մարի Լը Պենը, նա 96 տարեկան էր, հայտնում է Le Monde-ը։
Ժան Մարի Լը Պենը գլխավորել է «Ազգային ճակատ»-ը 1972-2011 թվականներին։ Նա հինգ անգամ առաջադրվել է նախագահական ընտրություններում և անցել է ընտրությունների երկրորդ փուլ 2002 թվականին, սակայն պարտվել է Ժակ Շիրակին՝ հավաքելով ձայների 17,8%-ը։
2011 թվականին Լը Պենը կուսակցության ղեկավարումը փոխանցել է դստերը՝ Մարին լը Պենին: 2015-ին նա հեռացվել է «Ազգային ճակատ»-ից։ 2018 թվականին կուսակցությունն անվանափոխվել է «Ազգային միավորում»։
