ՌԴ նախագահի մամուլի քարտուղար Դմիտրի Պեսկովը չի բացառել, որ ՌԴ նախագահ Վլադիմիր Պուտինը երդմնակալությունից առաջ կշփվի ԱՄՆ նորընտիր նախագահ Դոնալդ Թրամփի հետ, հայտնում է ՏԱՍՍ-ը։
«Դա չի բացառվում»,- լրագրողներին ասել է Կրեմլի խոսնակը՝ պատասխանելով համապատասխան հարցին։
«Չէ որ նա ասել էր, որ կզանգի Պուտինին նախքան երդմնակալությունը։ Սրանք նրա խոսքերն են, մենք դեռ ասելիք չունենք»,- նշել է Պեսկովը։
ԱՄՆ նախագահի երդմնակալությունը տեղի կունենա 2025 թվականի հունվարի 20-ին։
Պատասխանելով այն հարցին, թե արդյոք Ռուսաստանի Դաշնության և ԱՄՆ-ի միջև բարձր մակարդակի շփումները կարող են անմիջապես վերսկսվել Պուտինի և Թրամփի հանդիպումով, թե՞ դա պետք է նախ հեռախոսազրույց լինի, Պեսկովը բացատրել է, որ նման հանդիպումներ անմիջապես չեն լինում։ Միջոցառումը պետք է լավ պատրաստված լինի փորձագիտական մակարդակով:
«Դեռ որևէ աշխատանք չկա, և դեռ վաղ է, ո՞ւմ հետ աշխատենք»։ - հավելել է նա։
