Կիևում Իսպանիայի դեսպանությունը հայտարարել է, որ ցերեկային ժամերին ծառայություններ չի մատուցի անվտանգության հնարավոր սպառնալիքների պատճառով։ Այս մասին հայտնում է EFE գործակալությունը։
Դիվանագիտական առաքելությունն այս մասին փոստով ծանուցել է Ուկրաինայում բնակվող իր քաղաքացիներին։ Դեսպանատունը խորհուրդ է տվել իսպանացիներին ուժեղացնել անվտանգության միջոցները, ինչպես նաև «հետևել տեղական իշխանությունների բոլոր հորդորներին» և պատկերացում ունենալ մոտ ապաստանի գտնվելու վայրի մասին։
Ավելի վաղ հաղորդվել էր նաև Կիևում ԱՄՆ դեսպանատան փակման մասին։
