Տասներեք երկիր հինգշաբթի ստացել է ԲՐԻԿՍ-ի գործընկեր երկրի կարգավիճակ։
Ասոցիացիայի գործընկեր երկրներն են Ղազախստանը, Ալժիրը, Բելառուսը, Թուրքիան, Բոլիվիան, Կուբան, Ինդոնեզիան, Մալայզիան, Նիգերիան, Թաիլանդը, Ուգանդան, Ուզբեկստանը և Վիետնամը, հայտնում է РИА Новости-ն։
Այս պետությունները դեռևս մտադիր չեն դառնալ ասոցիացիայի լիիրավ անդամ։
Հոկտեմբերի 22-ից 24-ը Կազանում տեղի է ունենում ԲՐԻԿՍ-ի գագաթնաժողովը՝ պետությունների ղեկավարների մասնակցությամբ։ ԲՐԻԿՍ-ը միջպետական ասոցիացիա է, որը ստեղծվել է 2006 թվականին Ռուսաստանի, Չինաստանի, Հնդկաստանի և Բրազիլիայի կողմից: Հունվարի 1-ից ասոցիացիան նախագահում է Ռուսաստանը։ 2024 թվականի սկզբից Եգիպտոսը, Եթովպիան, Իրանը, ԱՄԷ-ն և Սաուդյան Արաբիան միացել են ԲՐԻԿՍ-ին։ Ռուսաստանի ԲՐԻԿՍ-ի նախագահությունն անցկացվում է բազմակողմանիության ամրապնդման կարգախոսով՝ հանուն համաշխարհային արդար զարգացման և անվտանգության:
