Կատարն ու Թուրքիան հայտարարել են Իսրայելի և շիական «Հըզբոլլահի» միջև միջնորդության պատրաստակամության մասին՝ հրեական պետության կողմից ռմբակոծությունների դադարեցման նպատակով։ Այս մասին հայտնում է իսպանական EFE գործակալությունը՝ հղում անելով Կահիրեում լիբանանյան դիվանագիտական աղբյուրին։
Նրա խոսքով, Լիբանանի կառավարությունը ստացել է «մի քանի ամերիկյան և եվրոպական հաղորդագրություններ», որոնց համաձայն՝ «Իսրայելը չի նահանջի», և «միակ լուծումը» Հեզբոլլահի կողմից «զիջումների գնալն է», քանի որ «ցանկացած մերժում միայն նոր հարձակումներ և էսկալացիա կհրահրի»: Հստակեցվում է նաև, որ Իսրայելը ցանկանում է հարավային Լիբանանում ստեղծել «10 կիլոմետրանոց բուֆերային գոտի»։
«Կատարն ու Թուրքիան առաջարկել են հանդես գալ որպես միջնորդ և անմիջականորեն կապ հաստատել «Հեզբոլլահի» հետ», - հավելել է գործակալության աղբյուրը՝ նշելով, որ «երկու երկրների պատվիրակությունը Բեյրութ կժամանի առաջիկա մի քանի ժամում»:
Իսրայելի պաշտպանության բանակի պաշտոնական ներկայացուցիչ Դանիել Հագարին ավելի վաղ հայտնել էր, որ ռազմաօդային ուժերը Լիբանանում մեկ օրում հարվածներ են հասցրել շիական «Հեզբոլլահ» շարժման 1,3 հազար ռազմական օբյեկտներին։ Ըստ Լիբանանի առողջապահության նախարարության՝ վկայակոչելով Al Mayadeen հեռուստաալիքը, ավելի քան 500 մարդ է զոհվել, ավելի քան 1200-ը վիրավորվել իսրայելական գրոհների հետևանքով։
