Այս պահին քննչական գործողություններ են ընթանում և Արսեն Բաբայանին առաջադրվել կամ առաջադրվում է մեղադրանք։ Այս մասին այսօր՝ հոկտեմբերի 22–ի Երևանի ընդհանուր իրավասության դատարանի Կենտրոնի նստավայրի մոտ լրագրողներին հայտնեց «Իրավական ուղի» ՀԿ համահիմնադիր Ռուբեն Մելիքյանը։
Ըստ նրա՝ դա է պատճառը, որ Բաբայանի ձերբակալման որոշման դեմ բողոքի քննությունը նշանակվել է բավականին ուշ՝ ժամը 18:30–ին այն պարագայում, որ պաշտպանը բողոքը ներկայացրել էր դեռևս երեկ երեկոյան։
«Կարծես թե Բաբայանին այլ մեղադրանք է առաջադրվում՝ իշխանությունը յուրացնելուն օժանդակության համար»,–հայտարարեց նա։
Նշենք, որ Երևանի ընդհանուր իրավասության դատարանը՝ դատավոր Կարեն Ֆարխոյանի նախագահությամբ քննում է ԱԺ աշխատակազմի ղեկավարի նախկին տեղակալ Արսեն Բաբայանի ձերբակալման որոշման դեմ բողոքը։
Ի աջակցություն Բաբայանի՝ դատարանի դիմաց են հավաքվել իրավապաշտպաններ, «Ադեկվադ» կուսակցության, «ՎԵՏՕ» նախաձեռնության անդամները, ինչպես նաև Բաբայանի ընկերները:
