ԱՄՆ Կալիֆոռնիա նահանգի Մոս Լենդինգ քաղաքի խոշոր էլեկտրակայանում հրդեհ է բռնկվել, մոտակա մի քանի շրջաններում տարհանումներ են հայտարարվել, հայտնում է Մոնտերեյ շրջանի Արտակարգ իրավիճակների արձագանքման վարչությունը։
«Հյուսիսային շրջանի հրշեջ վարչությունը ներկայումս արձագանքում է Մոս Լենդինգ էլեկտրակայանում բռնկված հրդեհին», - ասվում է վարչության կայքում:
Գերատեսչության տվյալներով՝ տարհանում է հայտարարվել շրջանի ութ թաղամասերում, բնակիչներին խորհուրդ է տրվում փակել պատուհաններն ու դռները, անջատել օդափոխության համակարգերը։
Ըստ Santa Cruz Sentinel-ի, հաստատությունը, որտեղ տեղի է ունեցել հրդեհը, աշխարհի ամենամեծ մարտկոցների էլեկտրակայաններից մեկն է, որը պարունակում է տասնյակ հազարավոր լիթիումային մարտկոցներ:
