ԱՄՆ հետախուզական ծառայությունները եկել են այն եզրակացության, որ Իսրայելը դիտարկում է այս տարի Իրանի միջուկային օբյեկտներին լայնածավալ հարված հասցնելու հնարավորությունը՝ փորձելով օգտվել Թեհրանի թուլացումից: Այս մասին հայտնել է The Wall Street Journal թերթը՝ հղում կատարելով աղբյուրներին։ Այս եզրակացությունը ներառվել է ԱՄՆ նախկին նախագահ Ջո Բայդենի վարչակազմի վերջին օրերին պատրաստած հաշվետվությունում։ Փաստաթուղթն ընդգծում է տարածաշրջանում հետագա ռազմական ակտիվության ռիսկերն այն բանից հետո, երբ 2024թ. ընթացքում Իրանի հնարավորությունները թուլանան։ Երկու աղբյուրների տվյալներով՝ Իսրայելը նախատեսում է ստանալ Դոնալդ Թրամփի վարչակազմի աջակցությունը նման հարվածների համար՝ համարելով, որ նա ավելի է պատրաստ աջակցել, քան նախկին նախագահ Ջո Բայդենը: Բացի այդ, իսրայելական կողմը մտավախություն ունի, որ ժամանակը սպառվում է Թեհրանին միջուկային զենք ստեղծելը թույլ չտալու համար։ Երկրորդ զեկույցը, որն արձագանքում է այս բացահայտումներին, հանձնվել է Թրամփի վարչակազմի առաջին օրերին, ասել է ամերիկացի պաշտոնյան: Ռազմական փորձագետների կարծիքով՝ Իրանի լավ ամրացված միջուկային օբյեկտների վրա հարձակվելու համար Իսրայելին անհրաժեշտ կլինի ամերիկյան աջակցությունը, ներառյալ զինամթերքը եւ տեխնիկական օգնությունը:
