Իսրայելը մտադիր է ռազմական վերահսկողություն պահպանել Գազայի հատվածում, Լիբանանում և Սիրիայում գրավված տարածքների նկատմամբ։ Բանակը կմնա օկուպացված «անվտանգության գոտիներում» և կծառայի որպես բուֆեր թշնամական զինյալների և Իսրայելի միջև՝ «ցանկացած ժամանակավոր կամ մշտական իրականության դեպքում» Գազայի հատվածում, ասել է Իսրայելի արտգործնախարար Իսրայել Կացը:
Նա նշել է, որ դա վերաբերում է նաև Լիբանանում և Սիրիայում Իսրայելի կողմից գրավված տարածքներին։
Ի տարբերություն անցյալի՝ բանակն այլևս դուրս չի գա գրավված տարածքներից, ասել է Կացը Գազայի հատվածի մասին, որտեղ իսրայելական զորքերը մեկուկես տարի պայքարում են իսլամիստական ՀԱՄԱՍ խմբավորման դեմ՝ ձգտելով ոչնչացնել այն, գրում է DW-ն։ dpa-ն նշում է, որ ավերված ափամերձ շրջանում երկարաժամկետ ռազմական ներկայության մասին հայտարարությունը նորություն չէ, բայց մնում է Իսրայելի և ՀԱՄԱՍ-ի միջև անուղղակի բանակցությունների հիմնական խոչընդոտը, քանի որ ՀԱՄԱՍ-ը պնդում է Իսրայելի ամբողջական դուրսբերումը որպես պայման 2023 թվականի հոկտեմբերին վերցված պատանդների ազատ արձակման համար:
