Իսրայելի զինվորականները հայտնել են պաղեստինյան ՀԱՄԱՍ արմատական շարժման երկու հրամանատարի սպանության մասին, որոնք պատասխանատու էին Գազայի հատվածի հյուսիսի Ջաբալիա քաղաքում ներքին անվտանգության համար։ Այդ մասին հաղորդում է ՏԱՍՍ գործակալությունը:
«Իսրայելի պաշտպանության բանակի և Ընդհանուր անվտանգության ծառայության համատեղ գործողության ընթացքում Իսրայելի ռազմաօդային ուժերի ինքնաթիռը ոչնչացրել է ՀԱՄԱՍ-ի զինյալիներին, որոնք գլխավորում էին այդ ահաբեկչական կազմակերպության ներքին անվտանգության գործողությունները Ջաբալիայի շրջանում»,-ասված է բանակի մամուլի ծառայության հաղորդագրության մեջ:
Զինվորականները նշել են, որ արմատականների ոչնչացման գործողություններն իրականացվել են ապրիլի 11-ին:
