Մեծ ռազմական վերազինման ժամանակ իրանական տեղական արտադրության Masaf հրացանը պաշտոնապես փոխարինել է տասնամյակների վաղեմության G3-ին՝ որպես ցամաքային զորքերի ստանդարտ զենք, հաղորդում է Mehr-ը։
Իրանի Իսլամական Հանրապետության բանակի շտաբի պետ և համակարգողի տեղակալ, ծովակալ Հաբիբոլլահ Սայարին ասել է, որ տեղական արտադրության Masaf հրացանն այժմ դարձել է Իրանի բանակի ցամաքային զորքերի պաշտոնական ստանդարտ զենքը։
Ելույթ ունենալով նոր սարքավորումների ստացման արարողության շրջանակում՝ Սայարին նշել է, որ 1974 թվականին G3 հրացանը փոխարինեց M1 Garand-ին՝ որպես բանակի պաշտոնական հրազեն, ստանդարտ, որը գոյատևեց 50 տարի:
«Ցամաքային զորքերի հրամանատարության ջանքերի շնորհիվ մենք հաջողությամբ մշակել ենք G3-ը գերազանցող զենք։ Masaf հրացանը, որն ամբողջությամբ նախագծվել և արտադրվել է Իրանում, այժմ ստանդարտ զենք է մեր ցամաքային զորքերի համար»,- ասել է Սայարին:
