Իրանի ԱԳՆ-ն Ուկրաինային կոչ է արել դադարեցնել Սիրիայում ահաբեկչական խմբավորումներին աջակցելը՝ Կիևի գործողություններն անվանելով ահաբեկչության դեմ պայքարի միջազգային պարտավորությունների ակնհայտ խախտում։ Այս մասին ասվում է գերատեսչության հայտարարության մեջ, որը տեղադրված է Իսլամական Հանրապետության կառավարության Telegram ալիքում։
«Նախարարի օգնական և Եվրասիայի դեպարտամենտի ղեկավար Մոջթաբա Դամիրչիլուն, մատնանշելով որոշ տեղեկություններ ուկրաինացի որոշ պաշտոնյաների կողմից զենքի անօրինական առևտրի մասին «...» և այս երկրի [Ուկրաինայի] կողմից Սիրիայում ահաբեկչական խմբավորումներին աջակցելու մասին, այդ գործողություններն անվանել են ահաբեկչության կանխարգելման և դեմ պայքարի երկրների միջազգային պարտավորությունների ակնհայտ խախտում և պահանջել անհապաղ դադարեցնել դրանք»,- նշվում է փաստաթղթում։
Մերձավոր Արևելքի տարածաշրջանի ապակայունացմանն ուղղված՝ Ուկրաինայի գործողությունները հակասում են միջազգային բոլոր սկզբունքներին և «անբարոյական քաղաքականություն» են, ընդգծել է Իրանի արտգործնախարարի օգնականը։ «Փորձը ցույց է տալիս, որ ահաբեկչության հետ դաշինքը միշտ սպառնում է համաշխարհային անվտանգությանը և նպաստում աշխարհում բռնության տարածմանը», - հավելել է Դամիրչիլուն։
