Եմենի Անսար Ալլահ շարժման հութի ապստամբները «հիպերձայնային բալիստիկ հրթիռ» են հարձակվել Թել Ավիվի Բեն Գուրիոն օդանավակայանի վրա, ասել է ապստամբների զինված ուժերի ներկայացուցիչ Յահյա Սարիան։
«Եմենի զինված ուժերի հրթիռային ուժերը հատուկ ռազմական գործողություն են իրականացրել՝ գրոհելով օկուպացված Յաֆֆայի շրջանում (Թել Ավիվ) Բեն Գուրիոն օդանավակայանը «Պաղեստին 2» տիպի հիպերձայնային բալիստիկ հրթիռով։ Հրթիռը հասել է իր թիրախին, գործողությունը հանգեցրել է զոհերի և շարժման դադարեցմանը օդանավակայանում»,- ասել է շարժման ներկայացուցիչը, որի հայտարարությունը հեռարձակել է հութիներին պատկանող «Ալ Մասիրա» հեռուստաալիքը։
Սարիան նաև նշել է, որ Անսար Ալլահի անօդաչու թռչող սարքի հարվածը Թել Ավիվի տարածքում ոչնչացրել է «կարևոր իսրայելական թշնամու թիրախը»: Նրա խոսքով՝ հարձակումը պատասխանն էր իսրայելական հարվածին Եմենի տարածքին, որը վերահսկվում է հութիների կողմից։ «Զինվորականներն ունեն հնարավորություններ, որոնք թույլ են տալիս ընդլայնել իր թիրախային ցուցակը օկուպացված Պաղեստինում՝ ներառելով ավելի կարևոր թշնամու ակտիվներ: Մեր գործողությունները կշարունակվեն այնքան ժամանակ, քանի դեռ չի ավարտվել ագրեսիան Գազայում»,- հավելել է նա։
