Հյուսիսային Կորեան արձակել է նորագույն հիպերձայնային բալիստիկ հրթիռ, արձակմանը հետևել է երկրի առաջնորդ Կիմ Չեն Ընը` դեռահաս դստեր հետ, հայտնում է երկրի Կենտրոնական հեռագրային գործակալությունը:
Նշվում է, որ արձակումը բարեհաջող է անցել: Այն ճշգրիտ խոցել է ջրային թիրախը՝ անցնելով 1500 կմ:
Ինչպես գրում է ՌԻԱ «Նովոստի»-ն, հրթիռը զարգացրել է ձայնի արագությունից 12 անգամ մեծ արագություն: Կիմ Չեն Ընի խոսքով՝ այն կարող է շրջանցել ցանկացած հակահրթիռային պաշտպանության համակարգ։
Կիմ Չեն Ընի խոսքով՝ հրթիռը նախատեսված է Ասիա-խաղաղօվկիանոսյան տարածաշրջանում Հյուսիսային Կորեայի հակառակորդներին զսպելու համար:
