Վրաստանում Հայաստանի Հանրապետության դեսպան Աշոտ Սմբատյանն Աջարիայի ինքնավար հանրապետություն աշխատանքային այցի ընթացքում հանդիպում է ունեցել Վրաստանի Սահմանադրական դատարանի նախագահ Ռևազ Նադարաիայի հետ։
Այս մասին նշված է Վրաստանում ՀՀ դեսպանության տարածած հաղորդագրության մեջ։
ՀՀ դեսպանությունը նշում է, որ հանդիպմանը քննարկվել են ՀՀ և Վրաստանի Սահմանադրական դատարանների միջև համագործակցությանն առնչվող հարցերի լայն շրջանակ:
Հաղորդվում է, որ հանդիպմանը մասնակցել է նաև Բաթումում ՀՀ գլխավոր հյուպատոս Նարինե Մաթոսյանը:
