Ոչ մի ապացույց չկա, որ Ուկրաինան ունի այն հանքային հարստությունը, որի վրա հույսը դնում է ԱՄՆ-ըն։ Այս մասին հայտնել է El Mundo թերթը՝ հղում կատարելով Ուկրաինայում տնտեսական վերականգնման հարցերով ԱՄՆ հատուկ ներկայացուցչի նախկին տեղակալ Թայսոն Բարքերին։
«Այս պահին ոչ ոք չգիտի, թե արդյոք Ուկրաինան ունի բավականաչափ քանակությամբ հազվագյուտ հողային մետաղներ, կան նավթի, գազի, լիթիումի եւ գրաֆիտի պաշարներ, բայց դրանք ամենամեծը չեն աշխարհում»,- մեջբերել է թերթը նրա խոսքերը։
Ինչպես նշել է El Mundo-ն, հազվագյուտ հողային մետաղների առկայության մասին տեղեկատվությունը, որը ԱՄՆ նախագահ Դոնալդ Թրամփի վարչակազմն ունի, հնացել է, եւ ոչ մի ընկերություն շահագրգռվածություն չի ցուցաբերել Վաշինգտոնի եւ Կիեւի միջեւ գործարքի նկատմամբ՝ օգուտների բացակայության պատճառով։ Հոդվածում նշվել է, որ գործարքը նման է շանտաժի ԱՄՆ-ի կողմից, եւ պարզ չէ, թե արդյոք Ուկրաինան ունի բավականաչափ ռեսուրսներ։
