ԱՄՆ արտակարգ և լիազոր դեսպան Քրիստինա Քվինն այցելել է Լաչինի միջանցքի սկզբնամաս, որը շուրջ երեք ամիս փակ է բնականոն երթևեկության համար։ Այս մասին տեղեկանում ենք ՀՀ-ում ԱՄՆ դեսպանությունից:
«Սյունիքի մարզպետ Ռոբերտ Ղուկասյանը դեսպան Քվինին է ներկայացրել Լաչինի միջանցքի շրջափակման հետևանքներն ու դրա ազդեցությունը հարյուրավոր մասնատված ընտանիքների վրա։
Մարզպետ Ղուկասյանը նաև անդրադարձել է շրջափակման հետևանքով տուժածներին պետության կողմից ցուցաբերված աջակցությանը։
Դեսպան Քվինը կրկնել է Լաչինի միջանցքն անհապաղ վերաբացելու մասին ԱՄՆ պետքարտուղար Բլինքենի կոչը»,- ասված է դեսպանության գրառման մեջ:
