Հարավային Կորեայի նախագահի լիբերալ թեկնածու Լի Չժե Մյոնը երկուշաբթի հայտնել է, որ ընտրվելու դեպքում կձգտի վերականգնել Սեուլի եւ Հյուսիսային Կորեայի միջեւ կապը, այդ թվում՝ ռազմական թեժ գծի միջոցով, հաղորդել է Reuters-ը: Նախկինում Հարավային եւ Հյուսիսային Կորեաները շփվում էին թեժ գծերի միջոցով, սակայն Փհենյանը դադարեցրել է զանգերին պատասխանել 2023թ.՝ երկու հարեւան երկրների հարաբերությունների կտրուկ վատթարացման ֆոնին։ Հունիսի 3-ին կայանալիք նախագահական ընտրությունների հարցումներում առաջատար Լին նաեւ ֆեյսբուքյան գրառման մեջ գրել է, որ «կայուն կկառավարի» հարաբերությունները Չինաստանի հետ, որը, ըստ նրա, հասել է «ամենավատ վիճակին» նախորդ վարչակազմի օրոք։ Նա խոստացել է փոխակերպել ԱՄՆ-Հարավային Կորեա հարաբերությունները համապարփակ ռազմավարական դաշինքի եւ հիմնովին լուծել Ճապոնիայի հետ կապված անցյալի պատմական եւ տարածքային խնդիրները՝ միաժամանակ ամրապնդելով Հարավային Կորեայի, ԱՄՆ-ի եւ Ճապոնիայի միջեւ համագործակցությունը։
