Պաղեստինյան ՀԱՄԱՍ շարժումը չի մեղմացնում դիրքորոշումը պատանդների գործարքի վերաբերյալ՝ չնայած Գազայի հատվածում վերսկսված մարտերին։ Այս մասին հայտնել է The Jerusalem Post թերթը՝ իսրայելցի պաշտոնյաներին հղում կատարելով։
«Չկան ազդանշաններ, նշաններ, որ ՀԱՄԱՍ-ը ներկայում փոխում է դիրքորոշումն այս հարցում»,- մեջբերել է պարբերականը պաշտոնյայի խոսքերը։
Մշակույթի նախարար Միկի Զոարը հայտնել է, որ «Իսրայելը լուծում է փնտրում՝ կա՛մ բոլոր պատանդների վերադարձ, ՀԱՄԱՍ-ի վտարում եւ կազմակերպության զինաթափում, կա՛մ Գազայի հատվածի ամբողջական օկուպացիա եւ Իսրայելի վերահսկողություն»:
Ռազմական գործողությունները շարունակելու հարցում բոլոր նախարարների միջեւ կա կոնսենսուս, ընդգծել է թերթը։
