Երևանի ավագանու «Մայր Հայաստան» խմբակցության անդամ Գևորգ Ստեփանյանը գրում է․
Գյումրին մերժեց Նիկոլ Փաշինյանին ու իր հաճախորդներին
Գյումրու ավագանու ընտրություններում «Քաղաքացիական պայմանագիրը», անխնա կիրառելով վարչական ռեսուրսը և ընտրակեղծիքների նոր մեթոդները, պարտվեց:
Այս պատմության մեջ ուշադրությունից դուրս մնաց մեկ այլ պարտություն: Նիկոլենք ուզում էին Երևանի ավագանու ընտրության մոդելը կրկնել: Անունը փոխել էին, բայց ուզածները նույնն էր:
Ինչպես հայտնի է, Երևանում խաղի մեջ էին մտցրել Արամ Զավենիչի «Հանրապետություն» կուսակցությանը, որը, իբր, ընդդիմություն էր հանդես գալիս: Դրանց օգնեցին անցնել ավագանի ու դարձրեցին կոալիցիոն կցորդ: Արամը խաբեց իրեն հավատացողներին ու քցեց նրանց:
Նույնն ուզում էին անել Գյումրիում: Անունը դրել էին «Եվրադաշինք», որի մեջ էլի մտցրել էին «Հանրապետություն» կուսակցությանը, գումարել էին թուրքամետ Արման Բաբաջանյանին ու Տիգրան Խզմալյանին: Բայց այս անգամ սոտ տվեցին ու ընկան ձորը: Չկարողացան անցկացնել ու իրենց Սարիկին կցել:
Նիկոլենք չկարողացան «Եվրադաշինքին» անցկացնել ավագանի, քանի որ չէին պատկերացրել, որ այդքան բարձր մասնակցություն կլինի: Իրենք վարչական լծակներով ապահովել էին այնքան քվե, որ «Եվրադաշինքը» անցներ: Հաշվարկը եղել էր 30-32 հազար մասնակցությունը: Այդ դեպքում «Եվրադաշինքը» կանցներ: Բայց քանի որ գյումրեցիները որոշել էին պատժել Նիկոլին, ուստի եկան ընտրատեղամաս ու մերժեցին ոչ միայն ՔՊԿ-ին, այլ նաև դրա կցորդ «Եվրադաշինքին»: Այդպիսով ապացուցվեց, որ Երևանում Հանրապետությունը «անցկացվել» է ավագանի, այլ ոչ թե ինքնուրույն է մտել: Եթե Երևանում էլ բարձր մասնակցություն լիներ, ապա այսօր լրիվ այլ պատկեր կլիներ: Գյումրեցիները Երևանի փորձը տեսնելով՝ գնացին ընտրատեղամաս ու մերժեցին սրանց:
«Հանրապետությունը» հիմա ոռնում է «Մայր Հայաստանի» դեմ, բայց դա ծիծաղելի է: Ինչքան էլ ոռնան, որպես հաճախորդ իրենք այլևս անպիտան են: Իրենց նման երկուսին կցեցին իրար, բայց միևնույն է չանցան: Ինչքան ուզում են թող հիմա ոռնան:
