Գրենլանդիայի իշխանությունները ցանկանում են թույլ տալ կղզում անշարժ գույք գնել միայն դանիական քաղաքացիություն ունեցող կամ Գրենլանդիայում մշտապես բնակվող անձանց համար՝ կապված ԱՄՆ նախագահ Դոնալդ Թրամփի՝ կղզու նկատմամբ հավակնությունների հետ, գրում է գրենլանդական Sermitsiaq թերթը՝ վկայակոչելով փաստաթուղթը։
Թրամփը հունվարի 7-ին, նույնիսկ նախքան պետության ղեկավարի պաշտոնը ստանձնելը, հայտնել էր, որ Գրենլանդիան պետք է դառնա Միացյալ Նահանգների մի մասը և ընդգծել դրա ռազմավարական նշանակությունը ազգային անվտանգության և «ազատ աշխարհի» պաշտպանության համար, այդ թվում՝ Չինաստանից և Ռուսաստանից:
Գրենլանդիայի վարչապետ Մութե Էգեդեն ասել է, որ կղզին չի վաճառվում և երբեք չի վաճառվի։ Միաժամանակ, Թրամփը հրաժարվել է խոստանալ ռազմական ուժ չկիրառել Գրենլանդիայի նկատմամբ վերահսկողություն հաստատելու համար։
