Գազայի հատվածում սննդի և խմելու ջրի մատակարարումները գրեթե զրոյական մակարդակի վրա են՝ պաղեստինյան անկլավ՝ մարդասիրական և սննդամթերքի մատակարարման Իսրայելի իշխանությունների լիակատար շրջափակման սկսվելուց ուղիղ երկու ամիս անց։ Դրա մասին Ժնևում անցկացված ճեպազրույցի ժամանակ հայտարարել է Գազայում ՄԱԿ-ի մարդասիրական գործերի համակարգման գրասենյակի (OCHA) ներկայացուցիչ Օլգա Չերևկոն։
Ըստ նրա՝ անկլավի շրջափակման սկզբից ի վեր սկսվել է «ամենավատ սցենարի իրականացման հետհաշվարկը»։ Այսպես, Գազայում վառելիքն այժմ բաշխվում է խիստ կարգով՝ ապահովելու համար միայն ամենակարևոր գործողությունները։ «Սննդի պաշարները գրեթե սպառվել են, ջրի հասանելիությունը դառնում է անհնար, իսկ հիվանդանոցները հայտնում են, որ արյան պաշարները սպառվում են, քանի որ շարունակվում է տուժածների՝ զանգվածաբար ժամանումը»,-ընդգծել է մամուլի խոսնակը։
