Երկու լաստանավեր, որոնցից մեկում գտնվում էր ֆրանսիական աջ «Ազգային միավորոմ» խմբակցության առաջնորդ Մարին լը Պենը, բախվել են ֆրանսիական Մայոթա անդրծովյան դեպարտամենտի ափերի մոտ, տեղեկացրել է BFMTV հեռուստաալիքը։
«Երեքշաբթի, հունվարի 7-ին, լաստանավը, որում գտնվում էր Մարին լը Պենը, բախվել է հանդիպակաց լաստանավին Մայոթայից»,- տեղեկացրել է ալիքը։
Նշվել է, որ բախման հետեւանքով մարդկանց մեծ մասը կորցրել է հավասարակշռությունը եւ վայր է ընկել։ Երեք հոգի աննշան վնասվածքներ է ստացել եւ տարվել ոստիկանական նավակներով։ Լը Պենը չի տուժել եւ նույնպես տարհանվել է ոստիկանական նավակով, նշել է լրատվամիջոցը՝ հղում կատարելով նրա շրջապատին։
Նավը ուղեւորվում էր այն կղզին, որտեղ գտնվում է տեղի օդանավակայանը։ Հեռուստաալիքի տեղեկացմամբ՝ Լը Պենը հասել է այնտեղ, ինչպես եւ նախատեսված էր։ Կիրակի նա այցով մեկնել էր Մայոթա, որը խիստ տուժել է «Շիդո» ցիկլոնից։
