«Մենք՝ Թուրքիան, Ադրբեջանն ու Վրաստանը, մասնակցում ենք շատ կարևոր նախագծերի մշակմանը, որոնք ունեն բավականին բարձր ռազմավարական գործառույթ», - ասել է Թուրքիայի արտգործնախարար Հաքան Ֆիդանը իր վրացի գործընկեր Մակա Բոչորիշվիլիի հետ Թուրքիայում հանդիպումից հետո, հաղորդում է Վրաստանի Առաջին ալիքը։
Նրա խոսքով, այս նախագծերի մշակման գործում վճռորոշ է բոլոր երեք երկրների մասնակցությունը, ինչը հնարավորություն է տալիս խաղաղություն հաստատել տարածաշրջանում։
«Թուրքիան, Ադրբեջանը և Վրաստանը վաղուց ներգրավված են շատ կարևոր նախագծերի մշակման մեջ, որոնք ունեն բավականին բարձր ռազմավարական գործառույթ։ Նախարարն արդեն նշել է, որ բոլոր երեք երկրների մասնակցությունը վճռորոշ նշանակություն ունի այս նախագծերի զարգացման գործում, և այս ամենը, իհարկե, ի վերջո մեզ հնարավորություն կտա խաղաղություն հաստատել տարածաշրջանում։
Հատկապես Կասպից ծովի հնարավորությունները թե՛ եվրոպական, թե՛ համաշխարհային շուկաների զարգացման գործում։ Եվ, իհարկե, սեւծովյան տարածաշրջանն ու նրա ներուժը առաջնային նշանակություն ունեն։ Սրանք կարող են լինել ոչ բարձր մակարդակի նախագծեր, բայց շատ կարևոր է դրանք զարգացնել տարածաշրջանային տեսանկյունից: Մենք արդեն օրինակելի հարաբերություններ ունենք երեք երկրների՝ Թուրքիայի, Վրաստանի և Ադրբեջանի հետ, և դա կարելի է օրինակելի մոդել համարել այլ երկրների համար»,- ասել է Թուրքիայի ԱԳՆ ղեկավարը։
