Ալյասկայի Էյլսոն ռազմաօդային բազայում կործանվել է հինգերորդ սերնդի ամերիկյան F-35 կործանիչը, օդաչուն չի տուժել։ Այս մասին երեքշաբթի հայտնել է Anchorage Daily News թերթը:
Թերթի տեղեկացմամբ՝ միջադեպը տեղի է ունեցել տեղի ժամանակով կեսօրից հետո։ Ռազմական ինքնաթիռը կործանվել է թռիչքուղում։ Օդաչուն տեղափոխվել է հիվանդանոց բուժզննման համար։
Ինչպես նշել է թերթը, F-35-ի մոտավոր արժեքը կազմում է մոտ 81 մլն դոլար։ Բազայի հրամանատարությունը խոստացել է մանրակրկիտ հետաքննություն իրականացնել «նման միջադեպի կրկնության հնարավորությունը նվազագույնի հասցնելու համար»։
