Ստամբուլում Շվեյցարիայի գլխավոր հյուպատոսությունը անվտանգության նկատառումներով դադարեցրել է աշխատանքը։
Սա վեցերորդ օտարերկրյա դիվանագիտական ներկայացուցչությունն է Ստամբուլում, որը փակվում է Եվրոպայում Ղուրանի հրկիզման հետ կապված ահաբեկչությունների սպառնալիքի պատճառով։
Ավելի վաղ Նիդեռլանդների, Գերմանիայի, Ֆրանսիայի, Շվեդիայի և Մեծ Բրիտանիայի գլխավոր հյուպատոսությունները ժամանակավորապես դադարեցրել էր աշխատանքը։
Թուրքիայի ներքին գործերի նախարար Սուլեյման Սոյլուն հինգշաբթի ասել է, որ արևմտյան երկրները «հոգեբանական պատերազմ» են սանձազերծել իր երկրի դեմ՝ փակելով դիվանագիտական ներկայացուցչությունները ահաբեկչական սպառնալիքի պատրվակով՝ առանց որևէ ապացույց ներկայացնելու։
