Եվրասիական միջկառավարական խորհրդի նիստից հետո լրագրողների հետ ճեպազրույցում Եվրասիական տնտեսական հանձնաժողովի նախագահ Տիգրան Սարգսյանն ասաց, որ Եվրոպական միության կողմից հայտարարությունը, որ կա երկխոսություն մեզ հետ, փաստում է՝ առաջին քայլն արված է համագործակցության ուղղությամբ:
«Մենք շահագրգռված ենք համագործակցության մեխանիզմներ ստեղծել, որը նախևառաջ ուղղված կլինի տնտեսվարող սուբյեկտների համար բարենպաստ պայմաններ ստեղծելուն: Խոսքը նախ տեխնիկական կանոնակարգեր ունենալու, նորմատիվ փաստաթղթերի և մեր կողմից անցկացվող հակադեմփինգային հետազոտությունների մասին է», - ասաց նա:
Սարգսյանը նկատեց, որ դրական է գնահատում գործընկերների կողմից իրենց որպես սուբյեկտ ճանաչելը, ինչը թույլ է տալիս տեխնիկական մակարդակում աշխատել եվրոպական հանձաժողովի հետ:
