Ես կխելագարվեմ ուղղակի, մարդը ինձ նամակ է գրում, ասում է՝ բա ինձ աշխատանք չե՞ս տալիս, պարոն վարչապետ, նայում եմ՝ գրած տեքստի մեջ չորս նախադասություն է՝ մեջը 17 հատ ուղղագրական սխալ կա։ Այս մասին կառավարության նիստում ասաց վարչապետ Նիկոլ Փաշինյանը։
«Վերջերս չդիմացա, մեկին պատասխանեցի, ասեցի՝ հարգելիս, գոնե նամակ գրելիս մի հատ տեքստիդ նայի էլի, դու չե՞ս կարծում, որ քո կրթությամբ պետք է զբաղվես։ Ջղայնացած նամակ հետ գրեց, ասեց՝ «Չհասկացա, դու մտածում ես կրթություն չունեմ։ Այ, որ իմանաս, որ այդպես չի՝ կցում եմ դիպլոմս։ Եվ այդ տեքստի մեջ ևս 17 հատ ուղղագրական սխալ կար։ Չեմ չափազանցնում եմ»,-պատմեց Փաշինյանն՝ ընդգծելով, որ սա համատարած խնդիր է ու այդ խնդիրը լուծելու համար միջոցներ են պետք ձեռնարկել։
