Նոյեմբերի 8-ին Երեւանում անցկացվում են Ազգային ժողովի պետական-իրավական հարցերի մշտական հանձնաժողովի կողմից հրավիրված խորհրդարանական լսումներ։ Լսումները նախագահում է հանձնաժողովի նախագահ, իշխող «Քաղաքացիական պայմանագիր» կուսակցության պատգամավոր Վլադիմիր Վարդանյանը։
Քննարկվում է Ընտրական օրենսգրքում (սահմանադրական օրենք) փոփոխություններ և լրացումներ կատարելու և հարակից օրենքներում փոփոխություններ կատարելու մասին օրինագծերի փաթեթը։
Քննարկումները տեղի են ունենում պատգամավորների, կառավարության ներկայացուցիչների, տարբեր հասարակական կազմակերպությունների մասնակցությամբ։
