Հոկտեմբերի 3-ին գողության դեպքեր են տեղի ունեցել Երևանում։ Ժամը 15։10-ի սահմաններում Երևանի բնակիչ 67-ամյա Աշոտ Ա․-ն դիմել է ոստիկանության Նոր Նորքի բաժին և հայտնել, որ սեպտեմբերի 22-ին 45 համարի երթուղու վարորդ, Երևանի բնակիչ 49-ամյա Թորոս Ա․-ն ավտոբուսի վառելիքի բաքից գողացել է 80 լիտր դիզվառելիք, 14 համարի երթուղու վարորդ, Երևանի բնակիչ 52-ամյա Խաչիկ Մ․-ն գողացել է 60 լիտր դիզվառելիք, 14 համարի երթուղու մյուս վարորդ, Երևանի բնակիչ 42-ամյա Արսեն Դ․-ն գողացել է 70 լիտր դիզվառելիք՝ նշված ՓԲԸ-ին պատճառելով 105 հազար դրամի վնաս, հաղորդում է Shamshyan.com-ը:
Դեպքի փաստով ոստիկանության Նոր Նորքի բաժնում փաստաթղթեր են ձևակերպվել, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժին։
Կայքի տեղեկություններով Աշոտ Ա․-ն «Երևան ավտոբուս» ՓԲԸ ճարտարագետն է։
