Թուրքիայի եւ Ադրբեջանի նախագահներ Ռեջեփ Թայիփ Էրդողանը եւ Իլհամ Ալիեւը չորեքշաբթի հեռախոսազրույց են ունեցել, որի ընթացքում, մասնավորապես, քննարկվել է «Ռուսաստանի եւ Ուկրաինայի միջեւ ճգնաժամը», փոխանցում է ТАСС-ը:
«Բանակցությունների ընթացքում քննարկվել են Թուրքիայի եւ Ադրբեջանի միջեւ համագործակցության ամրապնդման հարցերը, ինչպես նաեւ տարածաշրջանային խնդիրները, հատկապես՝ Հայաստանի հետ հարաբերությունները, ինչպես նաեւ ռուս-ուկրաինական ճգնաժամը»,- լրագրողներին հայտնել են Էրդողանի գրասենյակից։
Մինչդեռ Ռուսաստանը բազմիցս ընդգծել է, որ ներուկրաինական հակամարտության կողմ չի հանդիսանում։
