ՀԱՄԱՍ-ի խոսնակ Աբդուլ Լաթիֆ Ալ-Քանուան հայտարարել է, որ բանակցություններում նախաձեռնությունը պատկանում է պաղեստինյան ժողովրդին և Դիմադրության առանցքին։
IRNA-ին տված հարցազրույցում Ալ-Քանուան նշել է, որ օկուպանտները չեն կարողացել հասնել իրենց նպատակներին Գազայի պատերազմում։
«Այս պահին ո՛չ Դիմադրությունն է ոչնչացվել, ո՛չ էլ թշնամու գերիներն են ազատ արձակվել, և ո՛չ էլ պաղեստինցիները լքել են իրենց հայրենիքը»,- ասել է նա։
Նա ընդգծել է, որ գերիների ազատ արձակումը կարող է իրականացվել միայն բանակցությունների, հրադադարի և հակամարտող կողմերի ձեռք բերած պայմանավորվածություններին հավատարիմ մնալու միջոցով։
Ալ-Քանուան նաև նշել է, որ Իսրայելի վարչապետ Բենիամին Նեթանյահուի և ԱՄՆ նախկին նախագահ Դոնալդ Թրամփի սպառնալիքները, որոնք կազմում են թշնամիների հոգեբանական պատերազմի մի մասը, ինչպես նաև Գազայի հատվածի շրջափակումը, չեն կարող արդյունք տալ։
