ԱՄՆ նախագահ Դոնալդ Թրամփը հաջորդ շաբաթ կքննարկի «Ոսկե գմբեթ» հակահրթիռային պաշտպանության համակարգի երեք տարբերակ: Այս մասին հայտնում է ամերիկյան Defense One պորտալը՝ հղում անելով Պենտագոնի աղբյուրներին։
Նրանց տեղեկություններով՝ ամերիկացի ռազմական մասնագետները նախագծի մի քանի տարբեր՝ մասշտաբով ու բարդությամբ տարբեր տարբերակներ են պատրաստում՝ դրանք երկրի նախագահին քննարկման ներկայացնելու համար։ Դրանցից որեւէ մեկի իրականացումը կպահանջի ակտիվ միջգերատեսչական համագործակցություն, որի համար անհրաժեշտ կլինի ստեղծել հատուկ կառույց։
«Մենք, հավանաբար, ստիպված կլինենք ստեղծել նոր կազմակերպություն, որը կզբաղվի դրանով», - ասել է պաշտոնյան, որը խնդրել է անանուն մնալ: Միևնույն ժամանակ, պորտալի երկու այլ աղբյուրներ հայտնել են, որ նոր ստորաբաժանման ստեղծման ուղղությամբ աշխատանքներն արդեն ընթանում են, և կազմվում է դրանում ղեկավար պաշտոնների թեկնածուների ցուցակը։
Մարտի 22-ին CNN-ը, հղում անելով աղբյուրներին, հայտնել է, որ ամերիկացի ռազմական փորձագետները շտապ կերպով մշակում են «Ոսկե գմբեթ» հակահրթիռային պաշտպանության համակարգը՝ երկիրը հեռահար հարվածներից պաշտպանելու համար։
Հեռուստաալիքի աղբյուրների համաձայն՝ Սպիտակ տունը պատրաստ է տրամադրել ցանկացած ֆինանսավորում, որն անհրաժեշտ է հակահրթիռային վահան ստեղծելու համար, և Թրամփի վարչակազմն արդեն հանձնարարել է պաշտոնյաներին գնահատել Ոսկե գմբեթի ստեղծման համար անհրաժեշտ միջոցները և արտացոլել այդ տվյալները երկրի բյուջեի 2026-2030 թվականների համար։
