Վարչապետ Նիկոլ Փաշինյանի հրաժարականի պահանջով Երեւանի փողոցներից մեկը փակած ցուցարարների վրա մեքենան քշելու կոչ արած ոստիկանի նկատմամբ նշանակվել է ծառայողական քննություն։ Այս մասին NEWS.am-ը տեղեկացավ ՀՀ ոստիկանության լրատվության ծառայությունից։
Նշենք, որ այսօր համացանցում տեսանյութ էր տարածվել, որում Ոստիկանության աշխատակիցը կոչ է անում բեռնատար մեքենայի վարորդին՝ մեքենան քշել ընդդիմադիր ցուցարարների վրա, որոնք ճանապարհ էին արգելափակել։
