Չինաստանը մտադիր է Ասիա-խաղաղօվկիանոսյան տնտեսական համագործակցության (ԱԽՏՀ) երկրների հետ աջակցել ազատ առևտրին և ապահովել մատակարարումների անխափան շղթաները: Ինչպես տեղեկացնում է ՏԱՍՍ գործակալությունը, այդ մասին հայտարարել է Չինաստանի նախագահ Սի Ծինփինը։
«Մենք պետք է համատեղ պահպանենք բազմակողմ առևտրային համակարգը, կիրառենք իրական բազմակողմ մոտեցումը, ամրապնդենք բազմակողմ համակարգի հեղինակությունն ու արդյունավետությունը՝ Առևտրի համաշխարհային կազմակերպության առանցքային դերով։ Անհրաժեշտ է համատեղ ջանքերով ապահովել արդյունաբերական և իրացման շղթաների կայունությունը և անխափան աշխատանքը», - ընդգծել է Չինաստանի ղեկավարը՝ ելույթ ունենալով ԱԽՏՀ երկրների ղեկավարների 32-րդ ոչ պաշտոնական հանդիպմանը։
Ինչպես հայտարարել է Սի Ծինփինը, Չինաստանը հաստատակամորեն հավատարիմ է բաց քաղաքականությանը և մշտապես կստեղծի նոր հնարավորություններ Ասիա-խաղաղօվկիանոսյան տարածաշրջանի և ամբողջ աշխարհի զարգացման համար։
Անդրադառնալով Աֆրիկայի երկրների հետ հարաբերություններին՝ նա նշել է, որ Չինաստանի իշխանությունները պատրաստ են լիովին ազատել մաքսատուրքերից Աֆրիկայի այն երկրներից ներմուծվող բոլոր ապրանքները, որոնք դիվանագիտական հարաբերություններ ունեն Չինաստանի հետ:
