Չինաստանի Սինցզյան-ույղուրական ինքնավար շրջանում երկուշաբթի ավարտվել է «Տյանշան Շենլի» թունելի հիմնարկեքը։ Նոր թունելը, որն անցնելու է ձյունապատ լեռներով, համարվում է ամենաերկարն աշխարհում արագընթաց ավտոմայրուղում, գրել է «Սինհուան»։
Սա նշանակալի քայլ է շրջանի հարավային եւ հյուսիսային մասերը կապող նոր ամենակարճ ճանապարհի բացման ուղղությամբ, գրել են լրատվամիջոցները։
22,13 կիլոմետր երկարությամբ թունելը, որի անունը չինարեն նշանակում է «հաղթանակ», կնվազեցնի Տյանշան լեռան միջին հատվածով ճանապարհորդելու ժամանակը մի քանի ժամից մինչեւ 20 րոպե, երբ այն գործարկվի:
Սա Ուրումչի-Յույլի գերարագընթաց ճանապարհի առանցքային նախագիծն է, որն անցնում է հյուսիսային Սինցզյան շրջանի մայրաքաղաք Ուրումչիից մինչեւ հարավային շրջանի Յույլի շրջան: Այն նախատեսվում է ամբողջությամբ կառուցել եւ շահագործման հանձնել 2025թ.։
Երկու ուղղությունների միջեւ մեքենայով ճանապարհորդության ժամանակը կկրճատվի մոտավորապես յոթ ժամից մինչեւ երեք ժամ:
