Չեխիայի կառավարությունը համաձայնել է փետրվարին դադարեցնել կորոնավիրուսի պարտադիր թեստավորումը դպրոցներում եւ ընկերություններում, հայտնում է AP-ն։
Վարչապետ Պետր Ֆիալայի խոսքով՝ թեստավորումն «անկասկած» օգնել է դանդաղեցնել վարակների տարածումը եւ կանխել է առողջապահական համակարգի ծանրաբեռնվածությունը:
«Հաշվի առնելով ստեղծված իրավիճակը՝ մենք որոշել ենք փետրվարի 18-ից չեղարկել պարտադիր թեստավորումը»,- ասել է Ֆիալան։
Բոլոր ընկերությունների աշխատակիցները շաբաթական երկու անգամ թեստավորում են անցնում, իսկ դպրոցականներն ու դպրոցների բոլոր աշխատակիցները հունվարի 17-ից՝ շաբաթական մեկ անգամ։
