Ճապոնիայում թռչնագրիպի բռնկման պատճառով հավերի աննախադեպ ոչնչացումը հանգեցրել է 1991 թվականից ի վեր հավկիթի գների ամենամեծ աճին: Այդ մասին տեղեկանում ենք ТАСС գործակալությունից:
Ճապոնիայի առաջատար տնտեսական թերթը՝ Nikkei-ը, սա ցնցում Է համարել սպառողական շուկայի համար: Հրատարակության փորձագետները պարզել են, որ ձվի միջին մեծածախ գինը մարտին կտրուկ բարձրացել է մինչև 335 իեն (2,5 դոլար)՝ մեկ կիլոգրամի դիմաց։ Սա 76%-ով ավելի է, քան մեկ տարի առաջ։
Տասը հատ ձվի միջին մանրածախ գինը բարձրացել է մինչև 212 իեն (1,6 դոլար): Սա 20%-ով գերազանցում է նախորդ տարվա ցուցանիշը։ Միևնույն ժամանակ, ինչպես համոզվել է ТАСС-ի թղթակիցը, Տոկիոյի շատ խանութներում հավի ձվերն արագորեն սպառվում են և երբեմն անհետանում դարակներից։
