Իսրայելցի զինվորականները ոչնչացրել են պաղեստինյան արմատական ՀԱՄԱՍ շարժման երկու հրամանատարի։ Այս մասին տեղեկացրել է բանակի մամուլի ծառայությունը։Նրա տվյալներով՝ վերջին մի քանի օրերի ընթացքում Իսրայելի Պաշտպանության բանակը (ՑԱԽԱԼ) եւ Անվտանգության գլխավոր ծառայությունը (Շին Բեթ) հարվածներ են հասցրել Գազայի հատվածում ահաբեկիչների թիրախներին եւ զինյալներին՝ թուլացնելու ՀԱՄԱՍ-ի ռազմական հնարավորությունները եւ վերացնելու սպառնալիքները հրեական պետության եւ նրա զինծառայողների համար։ Այս ռմբակոծությունների ընթացքում զոհվել է «Գազա» բրիգադի հրամանատարի տեղակալ Ահմեդ Շիմալին, նշվել է մամուլի ծառայության հաղորդագրությունում։ Շիմալին պատասխանատու էր ՀԱՄԱՍ-ի 2023թ. հոկտեմբերի 7-ի ներխուժմանը գործողություններին նախապատրաստվելու, ինչպես նաեւ պատերազմի ընթացքում «Գազա» բրիգադի ուժերի տեղակայման, հարձակողական ռազմավարության պլանավորման եւ բրիգադի ուժերի ձեւավորման համար։Տեղեկություն է ստացվել նաեւ «Շուջաիյա» գումարտակի հրամանատար Ջամիլ Վադիայի ոչնչացման մասին։ Նա ժամանակին այդ պաշտոնում փոխարինել էր Վեսամ Ֆարհաթին, որին ոչնչացչրել են 2023թ. դեկտեմբերին։ Վադիան մասնակցել է 2011թ. ապրիլին դպրոցական ավտոբուսի վրա հակատանկային հրթիռներով գրոհին, որի հետեւանքով զոհվել է 16-ամյա մի դեռահաս։
