The Guardian թերթի աղբյուրները հայտնել են, որ բրիտանական հետախուզական ծառայությունները կշարունակեն կիսվել Ուկրաինայի հետ սեփական տվյալներից, սակայն չեն կարողանա փոխանցել ԱՄՆ-ից ստացված տվյալները։
Մեծ Բրիտանիայի հետախուզական ապարատը շատ ավելի պակաս հզոր է, քան Ամերիկաինը, բայց Լոնդոնը կկարողանա Կիևին տրամադրել հումքային տվյալների սեփական վերլուծությունը, ինչպես նաև այն, ինչ Բրիտանիան հավաքում է իր արբանյակների, ցամաքային կայանների, Rivet Joint ինքնաթիռների և նույնիսկ Ուկրաինայում գործող գաղտնի ցամաքային ուժերի միջոցով: Բացի այդ, կան նաեւ բաց աղբյուրներ, գրում է BBC-ն։
Սրանցից ոչ մեկը չի փոխարինի կորցրած ամերիկյան հետախուզությանը, ասում է բրիտանացի նախկին պաշտոնյան, բայց դա դեռ Ուկրաինային կտա վաղ նախազգուշացում հարձակման մասին և որոշակի կարողություն հարվածելու ռուսական տարածքի խորքերը:
Հինգշաբթի առավոտյան Ֆրանսիայի պաշտպանության նախարար Սեբաստիեն Լեկորնուն ասել է, որ իր երկիրը կիսում է իր «ինքնիշխան» տվյալներն Ուկրաինայի հետ։
